მთავრობის საკონსტიტუციო სარჩელი

ხელისუფლების ორ შტოს შორის საკონსტიტუციო დავა დაიწყო. მომჩივანი მთავრობა, მოპასუხე მხარე კი პრეზიდენტის ადმინისტრაციაა. დავის საგანი რამდენიმე ელჩის დანიშვნაზე სალომე ზურაბიშვილისგან მიღებული უარია, რაც მმართველმა გუნდმა პირველად მარტში, პრეზიდენტის საკმაოდ მწვავე საპარლამენტო მიმართვის მოსმენის შემდეგ გაახმაურა. „ქართული ოცნება“ პრეზიდენტს ქვეყნის საპარლამენტო მოწყობაზე მიუთითებს და უზენაესი კანონიდან შესაბამისი მუხლის მოშველიებით ახსენებს, რომ ელჩების დანიშვნა-გათავისუფლების დროს მას მხოლოდ სიმბოლური ფუნქცია აქვს. დღეს ცნობილი ხდება იმ ორი ელჩის ვინაობაც, რომელთა დანიშვნაზე, როგორც მმართველი გუნდი ამტკიცებს, პრეზიდენტმა დაიწუნა. საუბარია დავით ბაქრაძის და კახა იმნაძის კანდიდატურებზე. ოპოზიცია საკონსტიტუციო სასამართლოში შეტანილ სარჩელს მმართველი პარტიის მიმართ სალომე ზურაბიშვილის ბოლოდროინდელ მწვავე კრიტიკას უკავშირებს და დავის მიღმა პრეზიდენტის დასჯის სურვილს ხედავს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.