ელჩების დანიშვნის საკითხი - სარჩელის განხილვის მოლოდინში

პოლიტიკურ დღის წესრიგში აქტიურდება ორ სახელისუფლებო შტოს შორის დაპირისპირების კიდევ ერთი თემა. საუბარია მთავრობის მიერ საკონსტიტუციო სასამართლოში შეტანილ სარჩელზე, სადაც „ქართული ოცნება“ ელჩების დანიშვნის ნაწილში პრეზიდენტის უფლება-მოვალეობების განმარტებას ითხოვს. ამერიკაში საქართველოს ყოფილი ელჩისთვის, დავით ბაქრაძისთვის კომპეტენციის დაწუნების მიუხედავად, ირკვევა, რომ სალომე ზურაბიშვილმა გაერო-ში ჩვენი ქვეყნის ელჩად მის წარდგენას ხელი მაინც მოაწერა და ეს გადაწყვეტილება გაერო-ს ასამბლეის მოახლოებული სესიით ახსნა. ამ ნაბიჯმა გააქტიურა კითხვა: ხომ არ გეგმავს მთავრობა საკონსტიტუციო სარჩელის უკან გამოთხოვას, რადგან თვეების წინ სწორედ ბაქრაძესთან დაკავშირებული უარი გახდა პრეზიდენტსა და „ქართულ ოცნებას“ შორის ურთიერთობის გამწვავების ერთ-ერთი მთავარი მიზეზი. თუმცა, ცნობილი ხდება, რომ პრეზიდენტს მთავრობასთან ახალი პრეტენზიები აქვს, რომელიც ელჩობის შვიდ ახალ კანდიდატურას ეხება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.