უკრაინის ქალაქებზე საჰაერო იერიშები გრძელდება

უკრაინის ქალაქებზე საჰაერო იერიშები გრძელდება. განსაკუთრებით რთული ვითარებაა რუბეჟნოესა და პაპასნაიაში. აფეთქებების შედეგად არიან დაღუპულები. დაიბომბა კრამატორსკის რკინიგზა. უკრაინის შეიარაღებული ძალების გენშტაბში აცხადებენ, რომ რუსი სამხედროების შეტევითი ოპერაციის მთავარი მიზანი, დონეცკისა და ლუგანსკის ოლქების სრულად დაკავებაა. მათი თქმით, ოკუპანტების ცალკეული დაჯგუფებები ცდილობენ ალყაში მოაქციონ უკრაინის აღმოსავლეთით მყოფი გაერთიანებული ძალების დანაყოფები. გრძელდება ხარკოვის ბლოკირება და საარტილერიო თავდასხმები. რუსული არმია განაგრძობს შეტევას მარიუპოლზე. ქალაქში ათასობით მშვიდობიანი მოქალაქე რჩება. დღეს მარიუპოლიდან დაგეგმილია ჰუმანიტარული დერეფნის გახსნაც, თუმცა პროცესს აფერხებენ რუსი სამხედროები. აფეთქებების ხმა ისმოდა ხერსონსა და ნიკოლაევშიც. რაც შეეხება კიევის ოლქს, ვითარება შედარებით სტაბილურია. კიევსა და მის შემოგარენში მდებარე დასახლებებში მუშაობენ გამნაღმველები. უკრაინული არმია აგრძელებს ოკუპანტებისგან სუმის რეგიონის გაწმენდას. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.