რუსეთის საომარი მოქმედებები უკრაინაში

მსოფლიო ეკონომიკური ფორუმის ერთ-ერთი მთავარი თემა უკრაინაა, სადაც ცეცხლი არ წყდება. ხვალ ომის დაწყებიდან სამი თვე გადის. რუსეთის საოკუპაციო ძალების შეტევის ძირითადი სამიზნე დონეცკის და ლუგანსკის ოლქებია. უკრაინის მიერ კონტროლირებადი ტერიტორიების სრული ოკუპირების მიზნით რუსი სამხედროები შეტევით ოპერაციებს განაგრძობენ. იბომბება სამხედრო და სამოქალაქო ინფრასტრუქტურა, იღუპებიან მშვიდობიანი მოქალაქეები. კიევი დასავლეთისგან მეტ თავდაცვით სისტემას და უსაფრთხოების გარანტიებს ითხოვს. რაც შეეხება მარიუპოლს - სტრატეგიული მნიშვნელობის საპორტო ქალაქს ახლა რუსეთის საოკუპაციო ძალები მთლიანად აკონტროლებენ, გაურკვეველია „აზოვსტალიდან“ გაყვანილი უკრაინელი სამხედროების ბედი - რუსეთის მიერ კონტროლირებად ტერიტორიებზე გადაყვანილი ტყვეების საკითხზე მოლაპარაკებები ჯერ არ დაწყებულა.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.