რუსეთის საომარი მოქმედებები უკრაინაში

რუსეთის ძალებმა უკრაინის ქალაქი დნიპრო დაბომბეს, დაშავებულია ექვსი ადამიანი, მათგან ერთის მდგომარეობა მძიმეა. დნეპროპეტროვსკის საოლქო ადმინისტრაციის ცნობით, სარაკეტო იერიშის შედეგად, ნაწილობრივ დანგრეულია შვიდი კერძო სახლი. გენშტაბის ინფორმაციით, უკრაინის ძალებმა გასული დღე-ღამის განმავლობაში რუსეთის შეტევა დონეცკის ოლქის რვა რაიონში მოიგერიეს. ამასთან, უკრაინის ხელისუფლება გათავისუფლებულ ხერსონში ელექტრომომარაგების აღდგენის შესახებ იტყობინება. პრეზიდენტის ადმინისტრაციაში ამბობენ, რომ პირველ ეტაპზე დენის მიწოდება კრიტიკულად მნიშვნელოვანი ინფრასტრუქტურისთვის აღდგა. მანამდე უკრაინის ხელისუფლებამ ხერსონიდან ხანდაზმულებისა და ბავშვების ევაკუაციის დაწყების შესახებ გამოაცხადა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.