გამოძიება ყაზბეგში მომხდარი ავიაკატასტროფის ფაქტზე

ყაზბეგში მომხდარი ავიაკატასტროფის შესახებ დღეს, 15:00 საათზე, „აჭარა ჯგუფის“ ხელმძღვანელი და „ავიატორი პლუსის“ წარმომადგენლები პრესკონფერენციას გამართავენ. ისინი აცხადებენ, რომ ყველა შეკითხვას უპასუხებენ. კომპანია „ავიატორი პლუსის“ თანამშრომლებს მცხეთის პოლიციის სამმართველოში გვიანობამდე კითხავდნენ. კომპანიის წარმომადგენლების ადვოკატის, კახა წერეთლის განცხადებით, სამართალდამცველებს მათ სრული ინფორმაცია მიაწოდეს. გამოკითხულთა შორის იყო კომპანიის დირექტორი. ყაზბეგში „აჭარა ჯგუფის“ კუთვნილი ვერტმფრენის ჩამოვარდნის შედეგად, სამი ადამიანი დაიღუპა. ეკონომიკის სამინისტროს სამოქალაქო ავიაციის სააგენტოს ინფორმაციით, ყაზბეგში ჩამოვარდნილი ვერტმფრენი ამერიკულ-კანადური წარმოების იყო, რომელიც 2018 წელს არის გამოშვებული. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.