ღამით მესიზმრა,
კბილებს შორის ვიტნევდი თითებს,
ძალას ვატანდი, რომ გამეხსნა შეკრული კრიჭა…
დილით ვფიქრობდი…
რომ კიდევ კარგი, ყველა ბრეკეტი ჩამომცვივდა წინა სიზმარში.
__________________
მოგონება 2008 წლის აგვისტოს ომზე
დაწყობილ რიგში ვაზის ტოტები
კანდაბერილი ყურძნის მტევნებით
დგანან და სიკვდილს ელოდებიან.
_____________
***
უკვე იმღერეს… ხუთი თუ ათი
თოთხმეტი თუ თექვსმეტი მარცვლით,
ან ჰექსამეტრით - სარკისებურ ამბავთა თხრობით
და ვიმეორებ ამ სიმღერებს, უხმოდ და გულში,
ჯარისკაცები ჩემს ეკრანთან ფიცს როცა დებენ.
_______________
***
ნეტავ თუ ოდესმე შეიყვარებენ
იქ ქალები,
ის ქალები,
თან რომ გადარჩნენ,
თან ყოველ წუთში ახლიდან რომ იღუპებიან.
_________________
ექვსი წლის ბავშვი მარიუპოლში
გამიგონია, როცა კი გტკივა,
რომ არ გაგიჟდე,
გონებას უნდა ჩამოფხიკო ყოველი განცდა…
ნეტავ, წინმსწრებად ესწავლებინათ მათემატიკა,
გადამრავლება, გამოკლება, რიცხვების დათვლა.
___________________
ექვსი წლის ბავშვი მარიუპოლში
ცარცისფერია მისი თმები
ახლა და მარად,
დედამიწისთვის , სატურნივით - წრე თანამგზავრთა,
ყველაზე დიდი - თეთრ რკალთა შორის,
დანაშაულის ადგილებს რომ ასფალტზე აკრავს.
***
წყალი მოვიდა
ჯერ მილების ტალახი მოაქვს.
დაიწმინდება…
სულ ასეაო
მასწავლა დედამ.
______________
ნეგატივი ასი წლის შემდეგ
აქ გაზაფხულდა…
წყალს შევაპკურებ თაროზე ყვავილს… ეგონოს წვიმა.
ასე ვიქცევი რამდენიმე წელიწადია…
და არ იზრდება, არც ულბება, არ უამდება...
შემომხმარი მოშავო ფუფხი გატეხილ ფოთლებს.
***
დაღუღუნებენ ფანჯარასთან ლურჯი მტრედები,
ვუყურებ... ვხედავ… ღრმად გამოზნექილ მათ გულ-მკერდებში
როგორ ირევა მხოლოდ თანხმოვნები.
ზურგს უკან პურის გამომხმარი ნაჭერი მიდევს,
დაველოდები.
ავტორი:
გიორგი ჭკადუა
▪ გაეცანით სხვადასხვა საინტერესო ისტორიას ვებგვერდზე - https://indigo.com.ge
კბილებს შორის ვიტნევდი თითებს,
ძალას ვატანდი, რომ გამეხსნა შეკრული კრიჭა…
დილით ვფიქრობდი…
რომ კიდევ კარგი, ყველა ბრეკეტი ჩამომცვივდა წინა სიზმარში.
__________________
მოგონება 2008 წლის აგვისტოს ომზე
დაწყობილ რიგში ვაზის ტოტები
კანდაბერილი ყურძნის მტევნებით
დგანან და სიკვდილს ელოდებიან.
_____________
***
უკვე იმღერეს… ხუთი თუ ათი
თოთხმეტი თუ თექვსმეტი მარცვლით,
ან ჰექსამეტრით - სარკისებურ ამბავთა თხრობით
და ვიმეორებ ამ სიმღერებს, უხმოდ და გულში,
ჯარისკაცები ჩემს ეკრანთან ფიცს როცა დებენ.
_______________
***
ნეტავ თუ ოდესმე შეიყვარებენ
იქ ქალები,
ის ქალები,
თან რომ გადარჩნენ,
თან ყოველ წუთში ახლიდან რომ იღუპებიან.
_________________
ექვსი წლის ბავშვი მარიუპოლში
გამიგონია, როცა კი გტკივა,
რომ არ გაგიჟდე,
გონებას უნდა ჩამოფხიკო ყოველი განცდა…
ნეტავ, წინმსწრებად ესწავლებინათ მათემატიკა,
გადამრავლება, გამოკლება, რიცხვების დათვლა.
___________________
ექვსი წლის ბავშვი მარიუპოლში
ცარცისფერია მისი თმები
ახლა და მარად,
დედამიწისთვის , სატურნივით - წრე თანამგზავრთა,
ყველაზე დიდი - თეთრ რკალთა შორის,
დანაშაულის ადგილებს რომ ასფალტზე აკრავს.
***
წყალი მოვიდა
ჯერ მილების ტალახი მოაქვს.
დაიწმინდება…
სულ ასეაო
მასწავლა დედამ.
______________
ნეგატივი ასი წლის შემდეგ
აქ გაზაფხულდა…
წყალს შევაპკურებ თაროზე ყვავილს… ეგონოს წვიმა.
ასე ვიქცევი რამდენიმე წელიწადია…
და არ იზრდება, არც ულბება, არ უამდება...
შემომხმარი მოშავო ფუფხი გატეხილ ფოთლებს.
***
დაღუღუნებენ ფანჯარასთან ლურჯი მტრედები,
ვუყურებ... ვხედავ… ღრმად გამოზნექილ მათ გულ-მკერდებში
როგორ ირევა მხოლოდ თანხმოვნები.
ზურგს უკან პურის გამომხმარი ნაჭერი მიდევს,
დაველოდები.
ავტორი:
გიორგი ჭკადუა
▪ გაეცანით სხვადასხვა საინტერესო ისტორიას ვებგვერდზე - https://indigo.com.ge
