ნიკოლოზ რურუას ვიზიტი ფოთში

საქართველოს კულტურისა და ძეგლთა დაცვის მინისტრი ნიკოლოზ რურუა ვიზიტის ფარგლებში კოლხური კულტურის მუზეუმს ესტუმრა, შეხვდა თანამშრომლებს და მათ რესტავრირებული ექსპონატები, საოფისე ტექნიკა და ავეჯი გადასცა. ნიკოლოზ რურუამ მოინახულა ვალერიან გუნიას სახელობის სახელმწიფო დრამატულ თეატრში მიმდინარე სამშენებლო სამუშაოები. კულტურის მინისტრი, ასევე, მალთაყვის ტყე-პარკში ნიკო ცეცხლაძის პროექტის „ხელოვნების ზღვა" პრეზენტაციას დაესწრო. დაათვალიერა თანამედროვე ხელოვნების ნიმუშები, თბილისის სახელმწიფო სამხატვრო აკადემიის რექტორთან ირინა პოპიაშვილთან და სტუდენტებთან ერთად. ვიზიტის ბოლოს, ნიკოლოზ რურუამ სახელოვნებო სასწავლებლის 3 პედაგოგს „დამსახურებული პედაგოგის" წოდებას მიანიჭა. საქართველოს კულტურისა და ძეგლთა დაცვის სამინისტროს დაფინანსებით 15 აგვისტოდან 2 სექტემბრის ჩათვლით, ფოთში, ფესტივალი „ხელოვნების ზღვა" გაიმართა. ფოთის ზღვის სანაპიროზე, მალთაყვის ტყე პარკში ხელოვნების რამდენიმე ახალი ობიექტი შეიქმნა. http://www.mcs.gov.ge http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045