ტერორიზმის წინააღმდეგ ბრძოლის უწყებათაშორისი კომისია

ტერორიზმის წინააღმდეგ ბრძოლის უწყებათაშორისი მუდმივმოქმედი კომისიის მორიგი სხდომა გაიმართა. შეხვედრა კომისიის თავმჯდომარე გრიგოლ ლილუაშვილმა გახსნა. სახელმწიფო უსაფრთხოების სამსახურის უფროსმა შეაფასა მსოფლიოში, რეგიონსა და ქვეყანაში არსებული კონტრტერორისტული ვითარება და ყურადღება გაამახვილა ამ მიმართულებით საქართველოს მიერ განხორციელებულ აქტივობებსა და საერთაშორისო პარტნიორებთან წარმატებულ თანამშრომლობაზე. ლილუაშვილმა ხაზი გაუსვა ევროკომისიისა და ამერიკის სახელმწიფო დეპარტამენტის ბოლო ანგარიშებში საქართველოს კონტრტერორისტული შესაძლებლობების თაობაზე ასახულ პოზიტიურ შეფასებებს. სახელმწიფო უსაფრთხოების სამსახურის უფროსმა ასევე ყურადღება გაამახვილა „ეკონომიკისა და მშვიდობის ინსტიტუტის“ მიერ 2023 წელს გამოქვეყნებულ ყოველწლიურ ანგარიშზე, სადაც აღნიშნულია, რომ საქართველო, ტერორისტული გამოწვევების კონტექსტში, უსაფრთხო ქვეყნის პოზიციას ინარჩუნებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.