20-21 ივნისი - პოლიტიკოსების შეფასებები

ეს იყო, ერთის მხრივ, მოქალაქეების რწმენის დაბრუნების, მეორეს მხრივ კი უმძიმესი დღე -  ასე აფასებს ოპოზიცია გასული წლის ოც ივნისს განვითარებულ მოვლენებს. სახელისუფლებო გუნდში კი ამბობენ, რომ გარკვეული გადაცდომები იყო, რაზეც სამართალდამცველები პასუხისგებაში მიეცნენ, თუმცა განვითარებული მოვლენების ამსახველი კადრები ცხადყოფს, რომ ოპოზიციის ლიდერები ვითარების გამწვავებას შეგნებულად ცდილობდნენ, მათ შორის პარლამენტში შეჭრის მცდელობით. საპროტესტო აქცია ერთი წლის წინ მას შემდეგ დაიწყო, რაც საქართველოს პარლამენტში რუსეთის სათათბიროს დეპუტატი სერგეი გავრილოვი მივიდა და მართლმადიდებლური ფორუმის გაძღოლას აპირებდა. აქციებმა პერმანენტული სახე მიიღო, ვითარება კი 20 ივნისს დაიძაბა, როდესაც ხელისუფლების განცხადებით, ოპოზიცია პარლამენტის შტურმით აღებას შეეცადა. ამის გამო აქცია დაშალეს, არიან დაზარალებულებიც. აქციის მონაწილეების მოთხოვნის შესაბამისად, მმართველმა ძალამ მაშინ მიიღო გადაწყვეტილება, რომ მომდევნო არჩევნები პროპორციული სისტემით ჩატარდებოდა, თუმცა, საკითხი კენჭისყრაზე ჩავარდა. სწორედ ამის შემდეგ მოხდა შეთანხმება იმ მოდელზე, რომელიც 120/30-ე საარჩევნო სისტემას ითვალისწინებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.