რუსეთის საჰაერო იერიში ლვოვზე

ლვოვზე განხორციელებული საჰაერო იერიშის შედეგად დაღუპულთა რიცხვი შვიდამდე გაიზარდა. დაჭრილია 11 პირი, მათ შორის ერთი მცირეწლოვანი. დილიდან ქალაქზე ხუთი საჰაერო დარტყმა განხორციელდა. დაიბომბა სამხედრო და სამოქალაქო ინფრასტრუქტურა. დაზიანდა სამი საწყობი და ავტოსახელოსნო. ლვოვის მერმა მომხდარის რუსეთის მიერ უკრაინის მშვიდობიანი მოქალაქეების წინააღმდეგ მიზანმიმართული ქმედება და გენოციდი უწოდა. სამხედრო ადმინისტრაციის ცნობით, სარაკეტო შეტევა, სავარაუდოდ, თვითმფრინავებით განხორციელდა, კასპიის ზღვის მიმართულებიდან. მათივე ცნობით, კიდევ ერთი რაკეტა ლვოვის მიმართულებით რუსებმა შავი ზღვიდან გაუშვეს, თუმცა მან უკრაინის ტერიტორიამდე არ მიაღწია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.