ახალი მუზეუმი ბოლნისში

11 დეკემბერს, კულტურის სამინისტროში, ბოლნისში ახალი მუზეუმის პროექტის შესახებ პრესკონფერენცია გაიმართა. ღონისძიებას საქართველოს კულტურისა და ძეგლთა დაცვის მინისტრი მიხეილ გიორგაძე, საქართველოს ეროვნული მუზეუმის დირექტორი დავით ლორთქიფანიძე, ბოლნისის მუნიციპალიტეტის გამგებელი გოგი მეშველიანი და კულტურული მემკვიდრეობის დაცვის ეროვნული სააგენტოს გენერალური დირექტორის მოადგილე პაატა დოლიძე უძღვებოდნენ. 2015 წლის აგვისტოში საქართველოს კულტურისა და ძეგლთა დაცვის სამინისტრომ გამოაცხადა კონკურსი ბოლნისის ახალი სამუზეუმო-საგანმანათლებლო სივრცის პროექტირებაზე. კონკურსში მონაწილეობა სულ ორმა კომპანიამ მიიღო. „ბოლნისის ახალი სამუზეუმო - საგანმანათლებლო სივრცის პროექტირებაზე გამოცხადებულ კონკურსში პროექტების განმხილვევლი კომისიის“ შეფასების შედეგად გაიმარჯვა კომპანიამ „არქიტექტორები.ჯი“. მუზეუმის სამშენებლო სამუშაოები 2016 წელს დაიწყება. http://www.culture.gov.ge/ http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045