სამი პარტიის გეგმა - მილიონი ხელმოწერა

03.03.2023 06:26

პირველი არხი Georgian Public Broadcaster

არხი

ევროკავშირის კანდიდატის სტატუსს და ევროინტეგრაციას უკავშირდება ვაშაძე-ჯაფარიძე-ხოშტარიას ახალი ინიციატივა. სამი პოლიტიკური ძალის ალიანსის დღის წესრიგში ამჯერად სწორედ ეს საკითხი აქტიურდება. ალიანსი კამპანიას იწყებს სახელწოდებით „მილიონი ხელმოწერა ევროკავშირისთვის“. მიზანი საქართველოს მოსახლეობის უმრავლესობის ევროპული არჩევანის დემონსტრირებაა. კამპანიის ინიციატორები ხელისუფლებას კონსტიტუციით განსაზღვრული ევროპული კურსიდან გადახვევაში ადანაშაულებენ და ევროკავშირის კანდიდატის სტატუსის მისაღებად დასავლელ პარტნიორებთან პირდაპირ მოლაპარაკებებს აანონსებენ. იმ არგუმენტით, რომ ევროინტეგრაციის მიმართ მოქალაქეთა აბსოლუტური უმრავლესობის მხარდაჭერა არაერთი კვლევითაა დადასტურებული, ახალი კამპანიის დაწყება ოპოზიციის ნაწილისთვისაც გაუგებარი აღმოჩნდა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - / 1stchannel.1tv.ge გამოიწერეთ ჩვენი არხი - / georgianpb ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.

გაზიარება: