თურქეთის საჰაერო ძალების ავიაიერიში ჩრდილოეთ სირიასა და ჩრდილოეთ ერაყში

თურქეთის საჰაერო ძალებმა ჩრდილოეთ სირიასა და ჩრდილოეთ ერაყში ქურთი მებრძოლების ბაზები დაბომბეს. თავდაცვის სამინისტროს ინფორმაციით, აღნიშნულ ბაზებს კავშირი ჰქონდათ სტამბოლში, 13 ნოემბერს განხორციელებულ ტერაქტთან, რომელსაც 6 ადამიანი ემსხვერპლა, 81 კი დაშავდა. თურქეთი აღნიშნულ თავდასხმაზე პასუხისმგებლობას სწორედ ქურთების მუშათა პარტიასა და სირიელ ქურთებს აკისრებს, თუმცა, ორივე დაჯგუფება ტერაქტთან რაიმე კავშირს უარყოფს. სირიის დემოკრატიული ძალების განცხადებით, თურქულმა მოიერიშეებმა სირიის ჩრდილოეთში, იძულებით გადაადგილებულ პირთა ორი დასახლება დაბომბეს. ამ ავიაიერიშის შედეგად დაღუპულთა და დაშავებულთა ზუსტი ოდენობა ამ დროისთვის უცნობია. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.