ატომური ენერგიის სააგენტოს ხელმძღვანელი კიევში

ატომური ენერგიის საერთაშორისო სააგენტოს ხელმძღვანელი რაფაელ გროსი კიევში გაემგზავრა, სადაც უკრაინის ხელისუფლებასთან, ზაპოროჟიეს ბირთვული ელექტროსადგურის გარშემო უსაფრთხო ზონაზე იმსჯელებს. ამის შესახებ რაფაელ გროსიმ სოციალურ ქსელ „ტვიტერში“ დაწერა. საერთაშორისო სააგენტოს ცნობით, კიევში ვიზიტის შემდეგ, გროსი რუსეთში აპირებს ჩასვლას, სადაც ასევე გეგმავს განიხილოს ზაპოროჟიეს სადგურის უსაფრთხოების საკითხი. გუშინ რუსეთის პრეზიდენტმა ზაპოროჟიეს ბირთვული ელექტროსადგურის რუსეთის მმართველობაში გადაცემის განკარგულება გასცა. განკარგულების თანახმად, ზაპოროჟიეს ბირთვული სადგური „როსატომის“ სახელმწიფო კორპორაციის შემადგენლობაში გადადის. უკრაინის საგარეო საქმეთა სამინისტრო საერთაშორისო პარტნიორებს მოუწოდებს, რუსული კორპორაციის, „როსატომის“ წინააღმდეგ სანქციები დააწესონ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.