მთავრობა ნდობის გამოცხადების მოლოდინში / ირაკლი ღარიბაშვილის გზავნილები #LIVE

• მთავრობა პარლამენტისგან ნდობის გამოცხადებას ელოდება, დეპუტატები პრემიერობის კანდიდატს უსმენენ - მინისტრთა ახალი კაბინეტის დასამტკიცებლად 75 ხმაა საჭირო; პარტია „მოქალაქეები“ ირაკლი ღარიბაშვილის გუნდს სამომავლო ხედვებს უწუნებს, „ევროპელი სოციალისტები“ კი კენჭისყრაში არ მონაწილეობენ; ნდობის გამოცხადების პროცედურა პარლამენტში, პოლიტიკური დებატები და შეფასებები; • პრემიერობის კანდიდატის 100 დღის პრიორიტეტები და გზავნილები - ირაკლი ღარიბაშვილი საპარლამენტო ტრიბუნიდან ოპოზიციის დესტრუქციის დასრულების პირობას დებს და კონსტიტუციიდან გასული ძალების კანონის ჩარჩოებში დაბრუნებას აანონსებს; კრიტიკის ადრესატები „ქართულ ოცნებას“ მუქარით პასუხობენ; მუქარა ისმის ძალოვანების მიმართაც; • ვაქცინაციის დაანონსებული გეგმა იცვლება - ქვეყანამ შესაძლოა, „ფაიზერის“ ვაქცინაზე ადრე „ასტრაზენეკას“ პროდუქცია მიიღოს; „ფაიზერის“ დოზების დაგვიანების მიზეზად მწარმოებლის დამატებითი მოთხოვნები სახელდება; ზუსტი თარიღი კომპანიასთან სატელეფონო კომუნიკაციის შემდეგ გახდება ცნობილი; ეპიდვითარების გათვალისწინებით, მთავრობა კვირის ბოლოდან დაწესებული შეზღუდვების ეტაპობრივ მოხსნას გეგმავს; • ირანის ბირთვული შეთანხმება კვლავ საერთაშორისო განგაშის საფუძველია - „საერთაშორისო ატომური ენერგიის სააგენტოს“ ინსპექტორები ირანს აღარ დატოვებენ, თუმცა საქმიანობა მნიშვნელოვნად შეეზღუდებათ; თეირანი ვალდებულებების შესრულების სანაცვლოდ სანქციების მოხსნას ითხოვს და იმედოვნებს, რომ ახალი წესები აშშ-ს სანქციების მოხსნას აიძულებს, ვაშინგტონი კი ზეწოლის პოლიტიკას განაგრძობს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.