ახალი მთავრობა თითქმის უცვლელი შემადგენლობით / ოპოზიცია კვლავ რევოლუციაზე ალაპარაკდა #LIVE

• მომავალი მთავრობა და სამთავრობო პროგრამის პრიორიტეტები - გიორგი გახარიამ პარლამენტს მომავალი მინისტრთა კაბინეტი თითქმის უცვლელი შემადგენლობით წარუდგინა; მმართველი გუნდი კულტურისა და განათლების სამინისტროების გაყოფის შესახებ მსჯელობს; გიორგი გახარიას გუნდისთვის ნდობის გამოცხადების პროცედურებს პარლამენტი მომდევნო კვირიდან დაიწყებს; • ოპოზიცია რევოლუციური სცენარისთვის ემზადება, რასაც ახლა უკვე მშვიდობიან, ლეგიტიმურ რევოლუციას უწოდებს - ოპოზიციის მთავარი აქტორები აცხადებენ, რომ იმ შემთხვევაში, თუ ვადამდელი არჩევნები არ იქნება, მშვიდობაც არ იქნება, ნაწილი კი ალტერნატიული სახალხო პარლამენტის შექმნაზე საუბრობს; ოპოზიციის სტრატეგია და შესაძლო რევოლუციური სცენარები; • შესაძლოა, 24 დეკემბრიდან დაწესებული შეზღუდვების მოხსნის საკითხი გადაიხედოს - მთავრობა ბიზნეს-საქმიანობის განახლების ფორმებზე მსჯელობს, კერძო სექტორი კი წინასაახალწლო პერიოდში სავაჭრო ობიექტების გახსნის აუცილებლობაზე საუბრობს და შეზღუდვების მოხსნას ელის; • ევროპის საბჭოს კულტურული მარშრუტების მეათე, საკონსულტაციო ფორუმი ქუთაისში, რომლის ჩატარების შესაძლებლობაც ქვეყანას პირველად მიეცა - საქართველოს ისტორიული ქალაქი მასშტაბურ ღონისძიებას 2021 წელს უმასპინძლებს; ქვეყანაში ჩამოსული 300-მდე დელეგატი საქართველოს კულტურული, ისტორიული, თუ კულინარიული ტურისტული მარშრუტების განვითარება-პოპულარიზებაზე იმუშავებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.