გარეჯის მრავალმთის მონასტრების ფოტოგამოფენა

დავით გარეჯის სამონასტრო კომპლექსის ტერიტორიაზე ახალი აღმოჩენა სპეციალისტების კვლევის საგანია. საუბარია მკვლევართა ჯგუფის მიერ მიგნებულ ტაძრის ნაშთებზე, - სამ კედელსა და გუმბათზე, რომელიც სატორგეს სამონასტრო ქვაბულში იპოვეს. კედლებზე შემორჩენილი წარწერები ფოტოების სახით ახლა იმ გამოფენაზეა წარმოდგენილი, რომელიც დავით გარეჯს ეძღვნება. კულტურული მემკვიდრეობის ძეგლებისთვის გადაღებული ასობით ფოტოდან ეროვნულ ბიბლიოთეკაში გამოფენისთვის 60 ფოტო შეირჩა. ჯამში კი სპეციალისტებმა 15 მონასტერი აღწერეს. შეგროვილი მასალა მონასტრებში არსებულ ამჟამინდელ მდგომარეობაზე დეტალურ ინფორმაციას იძლევა. კულტურული მემკვიდრეობის ძეგლების აღწერა კულტურის სამინისტროს მიერ გამოცხადებული კონკურსის ფარგლებში მოხდა.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.