სახელმწიფო სიმებიანი კვარტეტი - 50 - საიუბილეო კონცერტი

10 მარტს, ჯანსუღ კახიძის სახელობის თბილისის მუსიკალურ-კულტურულ ცენტრში სულხან ცინცაძის სახელობის საქართველოს სახელმწიფო სიმებიანი კვარტეტის 50 წლის იუბილესადმი მიძღვნილი კონცერტი გაიმართა. საქართველოს კულტურისა და ძეგლთა დაცვის მინისტრმა მიხეილ გიორგაძემ ანსამბლის წევრებს (კონსტანტინე ვარდელი, თამაზ ბათიაშვილი, ნოდარ ჟვანია, ოთარ ჩუბინიშვილი), ქართული ხელოვნების განვითარებაში შეტანილი განსაკუთრებული წვლილისთვის, სამინისტროს სპეციალური ჯილდო, „ხელოვნების ქურუმი“ გადასცა. საიუბილეო კონცერტზე შესრულდა ჰაიდნის, მოცარტის, შოსონის, კრუსელის, პიაცოლასა და სულხან ცინცაძის ნაწარმოებები. კვარტეტთან ერთად ღონისძიებაში მონაწილეობდნენ მსოფლიოში ცნობილი ქართველი და უცხოელი მუსიკოსები - ლიზა ბათიაშვილი, თამარ ლიჩელი და ფრანსუალ ლელუ; სულხან ცინცაძის სახელობის საქართველოს სახელმწიფო სიმებიანი კვარტეტის საიუბილეო კონცერტი საქართველოს კულტურისა და ძეგლთა დაცვის სამინისტროს მხარდაჭერით ჩატარდა. http://www.culture.gov.ge/ http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045