ვითარება ჩორჩანას საგუშაგოსთან

ცხინვალის დე ფაქტო რეჟიმის წარმომადგენელთა განცხადება, თითქოს ქარელის მუნიციპალიტეტში, სოფელ აბანოს მიმდებარე ტერიტორიაზე, დრონი ქართველმა პოლიციელებმა, ცეცხლსასროლი იარაღის გამოყენებით ჩამოაგდეს, სინამდვილეს არ შეესაბამება, – აცხადებენ სახელმწიფო უსაფრთხოების სამსახურში. სუს-ის ინფორმაციით, ქარელის მუნიციპალიტეტში, საოკუპაციო ძალების კუთვნილი ე.წ. კვადროკოპტერი ჰაერში შეეჯახა სამოქალაქო პირის უპილოტო საფრენ აპარატს, რამაც ორივე მათგანის დაზიანება და ჩამოვარდნა გამოიწვია. მომხდართან დაკავშირებით, გააქტიურებულია ცხელი ხაზი და ინფორმირებულია ევროკავშირის სადამკვირვებლო მისია. შეგახსენებთ, რომ დღის მეორე ნახევრში, ცხინვალის საოკუპაციო რეჟიმმა გაავრცელა ინფორმაცია, თითქოს ქართველმა სამართალდამცავებმა მათ კვადროკოპტერს ესროლეს და ჩამოაგდეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.