დავა „ამნისტიის კანონის“ შესახებ

შარლ მიშელის დოკუმენტის პირველი პუნქტი დავის საგნად რჩება. შეთანხმებაზე ხელის არ მომწერი „ნაციონალური მოძრაობის“ თავმჯდომარე, ნიკა მელია ციხის დატოვებას არც ევროკავშირის მიერ გირაოს გადახდის გზით და არც ამნისტიით აპირებს. ანუ უარია მედიატორის მიერ მელიას გათავისუფლებისთვის შერჩეულ ორივე მექანიზმზე. მაშინ როცა „ქართული ოცნება“ ხელმოწერილი შეთანხმების რევიზიას გამორიცხავს, „ლელოს“ მხრიდან ჩნდება ინიციატივა მელიას გათავისუფლების ახალ ფორმაზე - იგულისხმება ევროპარლამენტართა თავდებობა. პარალელურად იწყება ამნისტიის აქტის პროექტის ვერსიებზე მუშაობა. თუმცა, ევროპული საბჭოს პრეზიდენტის მიერ შედგენილ შეთანხმებაში ამნისტიის აქტთან დაკავშირებული ჩანაწერის შინაარსს მხარეები სხვადასხვანაირად კითხულობენ. დოკუმენტში წერია, რომ ამნისტიის კანონი 19-21 ივნისის პროტესტთან დაკავშირებულ ყველა დარღვევას და დაკავებას უნდა შეეხოს. თუმცა ოპოზიციის ნაწილს თავისი პირობა აქვს - ანუ ამნისტია პოლიციელებზე არ უნდა გავრცელდეს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.