გერმანიის კანცლერი ევროკავშირში გაწევრიანების გამარტივებას ითხოვს

გერმანიის კანცლერი ევროკავშირში გაწევრიანების გამარტივებას ითხოვს. აღნიშნულის შესახებ შოლცმა გერმანული მედიისთვის მიცემულ ინტერვიუში განაცხადა. მისი განმარტებით, ეკონომიკური ბლოკის გაფართოებისთვის, არამარტო გაწევრიანების კანდიდატები, არამედ თავად ევროკავშირიც უნდა მოემზადოს. ამ თემაზე საუბარს შოლცი 23-24 ივნისს ევროკავშირის დაგეგმილ სამიტზე აპირებს. გერმანიის კანცლერი იმედოვნებს, რომ სამიტი სტიმულს მისცემს იმ დასავლეთ ბალკანეთის ქვეყნებს, რომლებიც თითქმის ორი ათეული წელია ევროკავშირში გაწევრიანებას ელოდებიან. მომავალ კვირას ევროკავშირის სამიტზე, 27 ქვეყნის სახელმწიფოებისა და მთავრობის მეთაურები უკრაინის, მოლდოვასა და საქართველოს განაცხადებს განიხილავენ. ევროკომისიამ უკრაინასა და მოლდოვას ოფიციალურ კანდიდატ ქვეყნებად გამოცხადებას რეკომენდაცია გაუწია, რაც შეეხება საქართველოს, ევროკომისიამ აღიარა საქართველოს ევროპული პერსპექტივა, თუმცა კანდიდატის სტატუსის მიღებამდე ჩვენს ქვეყანას რიგი რეფორმების გატარება მოუწევს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.