სამუშაო შეხვედრა სასკოლო-სპორტული ოლიმპიადების შესახებ

ქვემო ქართლში სახელმწიფო რწმუნებულის-გუბერნატორის ადმინისტრაციაში, სასკოლო-სპორტული ოლიმპიადის საორგანიზაციო საკითხების განიხილეს. სამუშაო შეხვედრას, რომელსაც რეგიონის გუბერნატორი, შოთა რეხვიაშვილი უძღვებოდა, სამხარეო ადმინისტრაციისა და მუნიციპალიტეტების ხელმძღვანელი პირები, საქართველოს ბავშვთა და სასკოლო სპორტის ეროვნული ფედერაციისა და საგანმანათლებლო რესურსცენტრების წარმომადგენლები დაესწრნენ. მხარის გუბერნატორმა, მოსწავლეებში ჯანსაღი ცხოვრების წესის პოპულარიზების მნიშვნელობზე ისაუბრა და შეხვედრის მონაწილეებთან ერთად, ამ მიმართულებით, განსახორციელებელი, კონკრეტული, წინადადებები განიხილა. შეხვედრის მიმდინარეობისას, საქართველოს ბავშვთა და სასკოლო სპორტის ეროვნული ფედერაციის პრეზიდენტმა, კონსტანტინე ამირეჯიბმა, დეტალურად ისაუბრა 2018-19 სასწავლო წლის სამოქმედო გეგმაზე, რომელიც სპორტულ ლიმპიადებში, მუნიციპალიტეტების სკოლების მაქსიმალურ ჩართულობას და მოსწავლეების აქტიურ მონაწილეობას ითვალისწინებს. შოთა რეხვიაშვილმა, სპორტულ ოლიმპიადებში წარმატებული ასპარეზობისთვის და მიღწეული შედეგებისთვის, განსაკუთრებული მადლობა გადაუხადა წალკისა და ბოლნისის წარმომადგენლებს, რომელთა ძალისხმევითაც, გასული სასწავლო წლის სპორტულ აქტივობებში მუნიციპალიტეტების ყველა სკოლა მონაწილეობდა. #ქვემოქართლი2018 #სამუშაოშეხვედრა2018 #სპორტი2018 #ოლიმპიადა2018 #გუბერნატორი2018 #შოთარეხვიაშვილი2018