გოგი ხარაბაძე გარდაიცვალა

81 წლის ასაკში,  საქართველოს სახალხო არტისტი გოგი ხარაბაძე გარდაიცვალა. გოგი ხარაბაძემ 1963 წელს დაამთავრა თბილისის თეატრალური ინსტიტუტი, 1963-1994 წლებში იყო რუსთაველის თეატრის მსახიობი. ამ თეატრის სცენაზე მან არაერთი დასამახსოვრებელი როლი ითამაშა რობერტ სტურუას სპექტაკლებში „რიჩარდ მესამე“, „მეფე ლირი“, „ლურჯი ცხენები წითელ ბალახზე“ და სხვა. გოგი ხარაბაძეს განსახიერებული აქვს არაერთი ცნობილი კინოროლი. პირველად იგი ეკრანზე ოთარ იოსელიანის ფილმში, „გიორგობისთვე“ გამოჩნდა. განსაკუთრებით მნიშვნელოვანი მის შემოქმედებაში ტელე-თეატრი იყო. საქართველოს ტელევიზიის ეთერში მან სახარების ტექსტის მიხედვით სატელევიზიო დადგმა შესთავაზა მაყურებელს. მოგვიანებით მან ახალი აღთქმა, „ვეფხისტყაოსანი“ და სხვა ტექსტები აუდიო ალბომების სახით გამოსცა. გოგი ხარაბაძე იყო რუსთაველისა და დავით კლდიაშვილის პრემიების ლაურეატი, ხელოვნების ქურუმის, პრემია „საგურამოს“ მფლობელი. გოგი ხარაბაძის სამოქალაქო პანაშვიდი გაიმართება ხვალ, 16:00 საათიდან სიონის საკათედრო ტაძარში. მსახიობს კვირას, სიონის ტაძრიდან 14:00 საათზე გამოასვენებენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.