დოკუმენტი „სასამართლოს რეფორმების მხარდაჭერა“

საქართველოში ევროკავშირის წარმომადგენლობა ქართულ მართლმსაჯულებაში არსებულ ხარვეზებზე საუბრობს. ორგანიზაციის სახელით მომზადებულ დოკუმენტში კონკრეტული შენიშვნები და რეკომენდაციებია გაწერილი. განსაკუთრებული აქცენტი კეთდება მოსამართლეების შერჩევის არსებულ წესზე და იუსტიციის უმაღლესი საბჭოს რეფორმირებაზე, რომელიც შარლ მიშელის შეთანხმების მესამე პუნქტშიცაა ჩაწერილი. ევროკავშირის ეგიდით მიმდინარე სასამართლო რეფორმების მხარდაჭერის პროექტის პრეზენტაციას ოპოზიციის და მესამე სექტორის წარმომადგენლებიც ესწრებოდნენ, რომლებიც მთავარ პრობლემად ქართულ სასამართლო სისტემაში კლანურ მმართველობას ასახელებენ. მართლმსაჯულებაში რეფორმების გატარებას, მოსამართლეების არჩევის წესის გადახედვას და იუსტიციის საბჭოს დაკომპლექტების წესის ცვლილებას ხელისუფლებას 19 აპრილს ევროპული საბჭოს პრეზიდენტის მედიაციით შეთანხმებული დოკუმენტიც ავალდებულებს. რეფორმის მომზადებამდე მართლმსაჯულების საკითხი პოლიტიკური უთანხმოების და მესამე სექტორის კრიტიკის მთავარ თემად რჩება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.