ევროკავშირის მინისტერიალი

ევროკავშირის საბჭო საგარეო საქმეთა მინისტრების შეხვედრის შესახებ განცხადებას ავრცელებს. მსჯელობის ერთ-ერთი თემა „აღმოსავლეთ პარტნიორობა“ იყო. მინისტრებმა განხილეს რეგიონში ზოგიერთი პარტნიორი ქვეყნის წინაშე არსებული რთული გეოპოლიტიკური კონტექსტი და შეთანხმდნენ, რომ ევროკავშირი გააგრძელებს დემოკრატიის განვითარებას, ადამიანის უფლებების, კანონის უზენაესობის დაცვას, ასევე კორუფციის წინააღმდეგ ბრძოლას. ევროკავშირის საბჭოს მიერ გავრცელებული განცხადების თანახმად, ევროკავშირი ასევე მხარს დაუჭერს პარტნიორებს ვაქცინებით, ვაქცინების სერტიფიკატებითა და დეზინფორმაციის წინააღმდეგ ბრძოლით. აღმოსავლეთ პარტნიორობის წევრები არიან საქართველო, უკრაინა, მოლდოვა, აზერბაიჯანი და სომხეთი. ბელარუსმა აღმოსავლეთ პარტნიორობის პროგრამაში მონაწილეობა შეაჩერა. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.