„კოვიდ 19“-ის გავრცელება საქართველოში

უკვე თითქმის ერთი კვირაა ქვეყანაში კოვიდ-ინფიცირებულთა რაოდენობა ერთ ციფრიან ნიშნულს არ ცდება. დღეს გამოვლენილი შემთხვევებიდან, სამივე იმპორტირებულია. „კოვიდ-19“-ი საერთაშორისო გადაზიდვებზე დასაქმებულ მძღოლებს დაუდასტურდათ, რომლებსაც მეზობელ ქვეყნებში მოგზაურობის ისტორია აქვთ. ეპიდ-სიტუაცია არ გართულებულა არც ჩაკეტილ ზონაში, გაჩიანის დასახლების მცხოვრებლებს სასოფლო სამეურნეო პროდუქციის გატანა უკვე თავადაც შეუძლიათ, თუმცა კარანტინის ზონად გამოცხადებული ყარაჯალარის დატოვებას მხოლოდ ის პირი შეძლებს, რომლის ტესტირების პასუხიც „კოვიდ-19“-ზე უარყოფითი იქნება. მზარდია გამოჯანმრთელებულთა რაოდენობა. საავადმყოფოებიდან დღეს გაწერილ შვიდ პაციენტს, ცოტა ხნის წინ კიდევ ერთი განკურნებული შეემატა. ქალბატონს, რომელიც ბათუმის კლინიკაში თითქმის ერთი თვის განმავლობაში მკურნალობდა, ვირუსი აღარ უდასტურდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.