არა ქალების მიმართ ძალადობას - აქცია ზუგდიდში

"სამოქალაქო აქტივობისა და თანასწორობის ცენტრმა“ ზუგდიდის დემოკრატიული ჩართულობის ცენტრთან ერთად ქალთა მიმართ ძალადობის წინააღმდეგ აქცია გამართა. აქციის მონაწილეებს ხელში ეჭირათ ტრასპარანტები წარწერით: „ქალზე ძალადობა დანაშაულია“, „დაიცავი ჩვენი შრომით უფლებები“, „სტერეოტიპები მკლავს“. მათი თქმით, საქართველოში ამ კუთხით საგანგაშო სტატისტიკაა. „ჩვენი ქალაქი ეხმაურება ქალთა მიმართ ძალადობის წინააღმდეგ 16 დღიან კვირეულს და ვგეგმავთ სხვადასხვა ღონისძიებას. წლევანდელი კამპანიის მთავარი მესიჯია, რომ ერთად შევაჩეროთ ძალადობა“, - აღნიშნა "სამოქალაქო აქტივობისა და თანასწორობის ცენტრის ხელმძღვანელმა ციცინო შენგელიამ.დღევანდელ აქციას „თანასწორობის მოძრაობა“ და ადგილობრივი თვითმმართველობის წარმომადგენლებიც შეუერთდნენ. საკრებულოს წევრის ეკა კიფაიას თქმით, თვითმმართველობა ამ მიმართულებით მუშაობას გეგმავს, რისთვისაც პირველ ეტაპზე საკრებულოში გენდერული თანასწორობის საბჭო შეიქმნება. რადიო "ათინათი" Website: http://radioatinati.ge/ Facebook:   / rado.atinati.  . Google+: https://plus.google.com/u/0/116211701... Twitter: https://twitter.com/