საქართველოს პირველი არხი 64 წლისაა

საქართველოს პირველი ტელევიზია იუბილარია. 1956 წლის 30 დეკემბერს, ზუსტად 64 წლის წინ ფუნიკულიორზე, მთაწმინდის ანძასთან სადიქტორო სამაკეტო სტუდიიდან ქვეყნის ისტორიაში პირველ პირდაპირ ეთერს ლია მიქაძე და ალექსანდრა მაჭავარიანი უძღვებოდნენ. ცისფერი ეკრანი, ზუსტად 20 საათზე აინთო. ტელეხედვის სტუდია თავდაპირველად, დღეგამოშვებით მაუწყებლობდა. ათი წლის შემდეგ ტელევიზია ახალ მისამართზე, ანუ არსებულ შენობაში, კოსტავას 68-ში გადმოვიდა. გაიზარდა მასშტაბები და დაფარვის არეალი. საინფორმაციო სამსახური არხზე 60-იანი წლების ბოლოს გაჩნდა. „უკანასკნელ ამბებს“ სახელწოდება 1968 წელს შეეცვალა და „მოამბე“ დაერქვა. დღეს საზოგადოებრივი მაუწყებელი საქართველოს პირველ არხს და ტელესკოლას აერთიანებს, მორგებულია ნებისმიერი ასაკისა და გემოვნების მაყურებელზე და ქვეყანაში ყველაზე სანდო, დაბალანსებულ და უსაფრთხო მედიას წარმოდგენს. ~ ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.