სარალიძე-მაჩალიკაშვილის ადმინისტრაციული საჩივრის განხილვა გადაიდო

თბილისის საქალაქო სასამართლოში ზაზა სარალიძისა და მალხაზ მაჩალიკაშვილის ადმინისტრაციული საჩივრის განხილვა გადაიდო. პროცესის გადადების შუამდგომლობა სხდომაზე შინაგან საქმეთა სამინისტრომ დააყენა, ვინაიდან სამინისტროს წარმომადგენლების განმარტებით, შესაბამისი დოკუმენტაციის მომზადება ვერ მოესწრო. შსს-ს დოკუმენტაციის წარსადგენად, სადაც კარვების გაშლის დაუშვებლობა იქნება დასაბუთებული, ვადა 15 ნოემბრამდე განესაზღვრა. მანამდე, ზაზა სარალიძემ მოსამართლეს მიმართა და იმედი გამოთქვა, რომ კარვის გაშლის უფლება მიეცემა. შსს-სა და საპატრულო პოლიციის დეპარტამენტის წინააღმდეგ სარალიძემ და მაჩალიკაშვილმა სარჩელი შეიტანეს. ისინი პარლამენტის შენობის მიმდებარე ტერიტორიაზე კარვის განთავსების შესაძლებლობის შეზღუდვას ასაჩივრებენ. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/pg/1stchannel/ გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.