დაიწევს თუ არა ვაქცინაციის ასაკობრივი ზღვარი

მოზრდილი მოსახლეობის 27% ერთი დოზით არის აცრილი. სასწავლო სეზონის მოახლოებისა და ინდური „დელტა“ შტამის გავრცელების სწრაფი ტემპების ფონზე, სულ უფრო აქტიურდება მოზარდების ვაქცინაციის დაწყების საკითხი. ეპიდემიოლოგების პროგნოზით, თუ მეოთხე ტალღის დროს მცირეწლოვნები ძირითადად ოჯახური კონტაქტების დროს ინფიცირდებოდნენ, სწავლის დაწყების შემთხვევაში, ისინი თავად გახდებიან ვირუსის გამავრცელებლები. ამ დილემის გადაჭრის გზას ეპიდემიოლოგები ვაქცინაციის ასაკობრივი ზღვარის 12 წლამდე დაწევაში ხედავენ. მიუხედავად იმისა, რომ აშშ-ში და ევროპის რამდენიმე ქვეყანაში 12 წლიდან მოზარდებს უკვე ცრიან, საქართველო გადაწყვეტილების მიღებას ჯერ არ ჩქარობს და ჯანმოს რეკომენდაციებს ელოდება. მანამდე კი მძიმე ეპიდემიური სურათის გამო, სწავლა დიდი ალბათობით ისევ ონლაინ დაიწყება. გაერო და ჯანდაცვის მსოფლიო ორგანიზაცია ქვეყნებს სასწავლო პროცესის კლასებში წარმართვისკენ და ამ მიზნით მთელი რიგი ზომების გატარებისკენ მოუწოდებს. თუმცა ვაქცინაციის ტემპებისა და ინფიცირების დადებითობის მაღალი მაჩვენებლის გათვალისწინებით, საქართველო ამ რეკომენდაციას, სავარაუდოდ, ვერ შეასრულებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.