სოფლის მეურნეობის სამინისტრო თებერვლიდან „მცირემიწიან ფერმერთა 2014 წლის საგაზაფხულო სამუშაოების ხელშეწყობის პროექტს\" იწყებს. სწორედ ამ მიზნით სოფლის მეურნეობის მინისტრის მოადგილე დავით გალეგაშვილი და სოფლის მეურნეობის პროექტების მართვის სააგენტოს დირექტორის მოადგილე არჩილ ბუკია დღეს კახეთის გუბერნატორს და გამგებლებს შეხვდნენ. შეხვედრაზე ადგილობრივი თვითმმართველობის წარმომადგენლებს საშუალება ჰქონდათ პროექტის შესახებ დეტალური ინფორმაცია მიეღოთ. პროექტის ფარგლებში კახეთის რეგიონში დახმარებას 96 826 ბენეფიციარი მიიღებს. პროექტის მიზანია მცირემიწიანი ფერმერების მაქსიმალური დახმარება. პროექტის ბიუჯეტი 90 მილიონამდე ლარს შეადგენს. მას სახელმწიფო ბიუჯეტი და აიპ-ი სოფლისა და სოფლის მეურნეობის ფონდი დააფინანსებს, ხოლო აიპ-ი სოფლის მეურნეობის პროექტების მართვის სააგენტო განახორციელებს.
ვებ-გვერდზე გადასვლა:
http://bit.ly/1dTRUCc
ვებ-გვერდზე გადასვლა:
http://bit.ly/1dTRUCc
