ზუგდიდში პიანისტ ელისო ბოლქვაძის კონცერტი ჩატარდა

ზუგდიდში, დადიანების სასახლეში ეზოში, ღია ცის ქვეშ პიანისტმა და ,,იუნესკოს“ მშვიდობის ელჩმა ელისო ბოლქვაძემ დაუკრა. მსმენელისთვის ელისო ბოლქვაძემ ფრანც შუბერტისა და ფრედერიკ შოპენის მუსიკალური ნაწარმოებები შეასრულა. პიანისტის თქმით, მას იმედი აქვს, რომ უახლეს მომავალში თავის შემოქმედებას ოკუპირებულ აფხაზეთშიც გაიცნობენ. „ძალიან ბედნიერი ვარ დღეს, რომ აქ ვიმყოფები. ზუგდიდში პირველად ვარ და ძალიან სასიამოვნოა, რომ ბათუმის ფესტივალი გაიშალა იმდენად, რომ ჩვენ ზუგდიდშიც ჩამოვედით. ფესტივალი არის ძალიან დიდი და მრავალფეროვანი. მე ვფიქრობ, რომ დღევანდელი დღე გარდა იმისა, რომ მუსიკის დღესასწაულია, არის ძალინ მნიშვნელოვანი მესიჯი, რომელიც გვაახლოებს აფხაზეთთან. მე ძალიან დიდი იმედი მაქვს, რომ უახლოეს მომავალში ჩვენ გვექნება საშუალება, რომ მუსიკის ენით, მშვიდობის ენით შევიდეთ ჩვენს აფხაზეთში და კიდევ ბევრი ადამიანი გავახაროთ ჩვენი შემოქმედებით. ეს ოცნება უნდა აგვიხდეს. ეს იქნება მუსიკალური ენით მიმართული მესიჯი, რომელიც უნდა გაიგოს იმ ადამიანებმა, რომლებსაც ევალებათ, რომ ეს კონფლიქტი მოაგვარონ“, - ამბობს ელისი ბოლქვაძე. ელისო ბოლქვაძესთან ერთად კონცერტში მონაწილება აფხაზეთის სახელმწიფო კაპელამაც მიიღო, რომელსაც ზვიად ბოლქვაძე ხელმძღვანელობდა. რადიო "ათინათი" Website: http://radioatinati.ge/ Facebook: https://www.facebook.com/Rado.ATINATI... Google+: https://plus.google.com/u/0/116211701... Twitter: https://twitter.com/