https://mtisambebi.ge/ - „ეს ძეგლი, რითიც ვამაყობთ და რის გამოც აქ ტურისტი მოდის, ინგრევა. ნებისმიერ დროს შეიძლება ადამიანს ქვა დაეცეს, კოშკი, სადაც ვიზიტორი შედის, დაინგრეს და შიგნით ჩაიმარხოს. იმიჯია ეგ, რომ ეს ყველაფერი არ უნდა ვთქვა და ჩუმად უნდა ვიყო იმის გამო, რომ სადღაც ვმუშაობ? მე შატილს ვემსახურები, კულტურული მემკვიდრეობის დაცვის სააგენტოს მონა კი არ ვარ!“
გიორგი ჭინჭარაული თბილისიდან პირიქითა ხევსურეთში მეექვსე წელია რაც დაბრუნდა და პირველი იყო, ვინც მამაპაპისეულ კოშკში მუდმივ მცხოვრებლად დასახლდა. დაბრუნებიდან ორ წელში, კულტურული მემკვიდრეობის დაცვის სააგენტომ ის შატილის კოშკების მომვლელად დანიშნა. შატილის კოშკების კომპლექსი უმძიმეს მდგომარეობაშია. წელიწადზე მეტია გიორგი სააგენტოსგან დაჟინებით ითხოვს, ძეგლს ყურადღება მიაქციონ და ვიდრე დაინგრევა, მანამდე იზრუნონ. 18 ივნისს, კოშკებს შორის დამაკავშირებელი ბანი ჩამოინგრა. ავსტრიელი ტურისტები იმ ადგილიდან 10 წუთის წასულები იყვნენ და გადარჩნენ. გიორგიმ ძეგლის ნაწილის ნგრევის ამსახველი ფოტოები ფეისბუკში გამოაქვეყნა და სახელმწიფო გულგრილობაში დაადანაშაულა. მას პოსტის წაშლა მოსთხოვეს, უარის შემდეგ კი სამსახურიდან გაათავისუფლეს.
გიორგი ჭინჭარაული თბილისიდან პირიქითა ხევსურეთში მეექვსე წელია რაც დაბრუნდა და პირველი იყო, ვინც მამაპაპისეულ კოშკში მუდმივ მცხოვრებლად დასახლდა. დაბრუნებიდან ორ წელში, კულტურული მემკვიდრეობის დაცვის სააგენტომ ის შატილის კოშკების მომვლელად დანიშნა. შატილის კოშკების კომპლექსი უმძიმეს მდგომარეობაშია. წელიწადზე მეტია გიორგი სააგენტოსგან დაჟინებით ითხოვს, ძეგლს ყურადღება მიაქციონ და ვიდრე დაინგრევა, მანამდე იზრუნონ. 18 ივნისს, კოშკებს შორის დამაკავშირებელი ბანი ჩამოინგრა. ავსტრიელი ტურისტები იმ ადგილიდან 10 წუთის წასულები იყვნენ და გადარჩნენ. გიორგიმ ძეგლის ნაწილის ნგრევის ამსახველი ფოტოები ფეისბუკში გამოაქვეყნა და სახელმწიფო გულგრილობაში დაადანაშაულა. მას პოსტის წაშლა მოსთხოვეს, უარის შემდეგ კი სამსახურიდან გაათავისუფლეს.
