პარლამენტმა მოსამართლეობის კანდიდატები დაამტკიცა

ოპოზიციის პროტესტის მიზეზი გახდა უზენაესი სასამართლოს მოსამართლეობის ოთხი ახალი კანდიდატის დამტკიცება. გენადი მაკარიძე, თეა ძიმისტარიშვილი, ნინო სანდოძე და თამარ ოქროპირიძე სასამართლოს უმაღლეს ინსტანციაში უვადოდ გამწესდნენ. დავის საგნად რჩება, იყო თუ არა შერჩევის პროცესი გამჭვირვალე. კანდიდატებმა ოპოზიციიდან ვერც ერთი ხმა მიიღეს, „ლელომ“ და „სტრატეგია აღმაშენებელმა“ პროტესტის ნიშნად დარბაზი საერთოდ დატოვეს. ხელისუფლების ოპონენტები იუსტიციის საბჭოს ძირეულ რეფორმირებამდე მოსამართლეების შერჩევის პროცესს უნდობლობას უცხადებენ, ოპოზიციის ნაწილი იმ რეზონანსულ საქმეებზეც მიუთითებს, რომელთა გამო დღეს დამტკიცებული ცალკეული კანდიდატების მიმართ არაერთი კითხვა და პრეტენზია აქვთ. კანდიდატების შერჩევა-განხილვის პროცესის ყველა ეტაპს გამჭვირვალედ აცხადებს მმართველი გუნდი და ოპონენტებს საკითხის მიზანმიმართულ პოლიტიზირებაში სდებს ბრალს.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.