ვარკეთილის ბაზრობაზე მომხდარი ხანძრის შედეგები

ვარკეთილის ბაზრობის მოვაჭრეები დღეს მერიაში შეხვედრას გამართავენ. ხანძრის შედეგად დაზარალებულებს სამგორის გამგებელმა ათკაციანი საინიციატივო ჯგუფის შექმნა შესთავაზა, რომელიც დიალოგში და ყველა პრობლემური საკითხის გადაჭრაში იქნება ჩართული. მოვაჭრეები ტერიტორიაზე შესვლას და დარჩენილი საქონლის გამოტანას ითხოვენ. ასევე, აქციის მონაწილეების მოთხოვნაა, რომ შეხვედრას არა ათი, არამედ ყველა მოვაჭრე დაესწროს. შეთანხმება ბაზრობის ადმინისტრაციასთან და მერიასთან კონკრეტულ საკითხებზე უკვე მიღწეულია და მოვაჭრეები გადასახადებისგან გათავისუფლდებიან და ტერიტორიის სრულად აღდგენამდე, ალტერნატიული ფართით იქნებიან უზრუნველყოფილი. გამგებლის ინფორმაციით, სადაზღვევო კომპანია ყველა დაზარალებულს დაეხმარება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.