აქცია პარლამენტთან

„სპეციალურმა საგამოძიებო სამსახურმა ტელეკომპანია „იმედის“ თანამშრომლებისთვის ჟურნალისტურ საქმიანობაში უკანონოდ ხელის შეშლის ფაქტზე გამოძიება დაიწყო. გამოძიება სისხლის სამართლის კოდექსის 154-ე მუხლის პირველი ნაწილით მიმდინარეობს, რაც ჟურნალისტურ საქმიანობაში ხელის შეშლას გულისხმობს. სამსახურის განცხადებით, ტარდება ყველა საჭირო საგამოძიებო და საპროცესო მოქმედება. სწორედ ტელეკომპანია „იმედისა“ და ასევე „პოსტივის“ ჟურნალისტების მიმართ იყვნენ განსაკუთრებით აგრესიულები აქციის მონაწილეები „უცხოური გავლენის გამჭვირვალობის შესახებ“ კანონპროექტის წინააღმდეგ გამართულ გუშინდელ აქციაზეც. აქციის ერთ-ერთმა მონაწილემ „პოსტივის“ ოპერატორის კამერის დაზიანება სცადა. ასევე სიტყვიერი დაპირისპირება მოხდა პირველი არხის გადამღებ ჯგუფთანაც. აქციის რამდენიმე მონაწილე „მოამბის“ ჟურნალისტსა და ოპერატორს მიმდინარე მოვლენების გაშუქებაში ხელს უშლიდა. ისინი ცდილობდნენ, თავად მიეთითებინათ, თუ რა უნდა გადაეღოთ აქციაზე. ისინი კამერას ეფარებოდნენ, რათა ოპერატორს არ ჰქონოდა საშუალება, გადაეღო აქციაზე მიმდინარე პროცესები. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.