მკვლელობა ავჭალაში

40 წლის ვალერიან ნემსიწვერიძე, რომელიც გუშინ სარაჯიშვილის გამზირზე მოკლეს, წყალტუბოშია გადასვენებული. მანამდე ცხედარს ექსპერტიზა ჩაუტარდა. შემთხვევის ადგილზე მაღაზია დალუქულია. აღებულია თითის ანაბეჭდები. არის ვარაუდი, რომ პირი, რომლმაც ნემსიწვერიძეს ესროლა, მანამდე აქ იმყოფებოდა. სავარაუდოდ, დამნაშავე იდენტიფიცირებულია. უკვე ცნობილია, რომ თბილისში, სარაჯიშვილის გამზირზე გუშინ მოკლული ვალერიან ნემსიწვერიძე რამდენიმე გახმაურებული საქმის ფიგურანტი იყო. ნემსიწვერიძე ფიგურირებდა 2004 წელს დეპუტატ კახა გიუაშვილზე შეიარაღებული თავდასხმის საქმეში, რაზეც 16 წლით პატიმრობა მიუსაჯეს. 2013 წელს კი, არსებული ინფორმაციით, ამნისტიის შედეგად გათავისუფლდა. ვალერიან ნემსიწვერიძე, რომელიც ცეცხლსასროლი იარაღიდან გასროლის შედეგად მოკლეს, არსებული ინფორმაციით, ფიგურირებდა 2006 წლის ე.წ. ციხის ბუნტის საქმეშიც. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.