თელავის რაიონულ სასამართლოში კახეთის ყოფილი ვიცე-გუბერნატორის - გიორგი სიბაშვილის და \"კახეთის რეგიონული განვითარების სააგენტოს\" დირექტორის - ვალერი გრემელაშვილის საქმის სასამართლო განხილვა დასრულდა. სასამართლო სხდომაზე მოსამართლემ ბრალდების მხარის მიერ სისხლის სამართლებრივი დევნის შეწყვეტის მოთხოვნა არ დააკმაყოფილა. კახეთის საოლქო პროკურორის - ხვიჩა ბეგიაშვილის განცხადებით, აღნიშნული გადაწყვეტილება სასამართლომ საკმარისი მტკიცებულებების არარსებობის გამო მიიღო. პროცესზე ორივე მხარემ ნაფიცმსაჯულების მიერ გასამართლებაზე უარი განაცხადა. გიორგი სიბაშვილის და ვალერი გრემელაშვილის საქმის არსებითი განხილვა 10 აპრილს 15 საათზე გაიმართება. გიორგი სიბაშვილს გამოძიება 5 ეპიზოდში ედავება. საქმე ეხება, \"კახეთის რეგიონული განვითარების სააგენტოს\" გამგეობის თავმჯდომარედ მუშაობის პერიოდს. პროკურატურა სიბაშვილს სამსახურებრივი უფლებამოსილების ბოროტად გამოყენებაში, სახელმწიფო ქონების მართლსაწინააღმდეგო წესით გამოყენება-გაფლანგვაში ადანაშაულებს. ბრალის დამტკიცების შემთხვევაში სიბაშვილს 11 წლით თავისუფლების აღკვეთა ემუქრება.
ვებ-გვერდზე გადასვლა:
http://bit.ly/X1fzGZ
ვებ-გვერდზე გადასვლა:
http://bit.ly/X1fzGZ
