„ძალა ევროპაშია“ - ზუგდიდში დისკუსია-პრეზენტაცია გაიმართა

ზუგდიდში, დემოკრატიული ჩართულობის ცენტრში, "საერთაშორისო გამჭვირვალობა-საქართველომ" დისკუსია-პრეზენტაცია გამართა. დისკუსიაში „საერთაშორისო გამჭვირვალობა-საქართველოდან“ გიორგი ონიანი ,“სტრატეგიული კვლევების რეგიონული ცენტრიდან“ მიხეილ მირზიაშვილი, „საქართველოს რეფორმების ასოციაციადან“ მარიამ წიწიკაშვილი და „ხმა საქართველოდან“ ირაკლი ტაბლიაშვილი მონაწილეობდნენ. საუბარი საქართველოში მიმდინარე პრორუსულ, ანტიდასავლურ პროპაგანდასა და დეზინფორმაციის შეფერხების მიზნით განსახორციელებელ საკითხებს შეეხო. გარდა ამისა, შეხვედრაზე დასავლეთ საქართველოში ასოცირების შეთანხმებას, ვიზა-ლიბერალიზაციის სამოქმედო გეგმას, DCFTA-ისა და ადამიანის უფლებების შესახებ საინფორმაციო კამპანიის წარმოებაზეც იმსჯელეს. პრეზენტაციაზე დასავლეთ საქართველოს ქალაქებსა და სოფლებში საინფორმაციო შეხვედრებისა და ღია დისკუსიების აუციელებლობაზე ისაუბრეს. შეხვედრას ადგილობრივი თვითმმართველობის, არასამთავრობო ორგანიზაციებისა და საზოგადოების წარმომადგენლები, მათ შორის, ასოციაცია „ათინათის“ ახალგაზრდული ცენტრის წევრებიც დაესწრნენ. რადიო "ათინათი" Website: http://radioatinati.ge/ Facebook:   / rado.atinati.  . Google+: https://plus.google.com/u/0/116211701... Twitter: https://twitter.com/