ახალი 6 | 26.09.12

ვინ არიან რეალურად ის ადამიანები, რომელთა სახელები და გვარები შინაგან საქმეთა სამინისტრომ ცოტა ხნის წინ გაახმაურა და მათ კანონიერი ქურდები უწოდა. გივი ბლიაძე სინამდვილეში ნაციონალური მოძრაობის მხარდამჭერია და ამ ფაქტს მის მეზობლებთან ერთად უბნის ნაცმოძრაობის რწმუნებულიც ადასტურებს. რა კავშირები აქვთ ქართული ოცნების ლიდერებს ქურდულ სამყაროსთან - რამდენიმე საათის წინ შინაგან საქმეთა სამინისტრომ აუდიოჩანაწერი გაავრცელა. სამინისტროში ირწმუნებიან, რომ ეს არის სატელეფონო საუბრების ჩანაწერები, სადაც კახი კალაძე და გუბაზ სანიკიძე ფიგურირებენ. როგორც სამინისტროში აცხადებენ, სანიკიძე შვარდნაძის დროინდელ უშიშროების მინისტრ, ვალერი ხაბურძანიას ერთ-ერთი "კანონიერი ქურდის" ციხიდან გამოშვებას სთხოვს და სანაცვლოდ ფულად ანაზღაურებას სთავაზობს. წარმოდგენილი მასალები ფაბრიკაციაა და მას რეალობასთან არანაირი კავშირი არ აქვს - ასეთ განმარტებას აკეთებენ სანიკიძე და კალაძე გავრცელებულ ჩანაწერზე. http://tv9.ge http://tv9.ge/live http://tv9.ge/twitter http://tv9.ge/scribd http://tv9.ge/facebook http://tv9.ge/youtube