პირველი არხი ტელე-ონლაინ საგანმანათლებლო პროექტს იწყებს

კორონავირუსის გამო საქართველოს პირველი არხი ახალ ტელე-ონლაინ საგანმანათლებლო პროექტს იწყებს. პროექტი გათვლილია სკოლის მოსწავლეებზე, რომლებსაც „კოვიდ-19“-ისგან თავდასაცავად პირველ აპრილამდე არდადეგები აქვთ. რამდენიმედღიანი მუშაობის შემდეგ ტელევიზია მზად არის, მოსწავლეებს სატელევიზიო და ონლაინ-პლატფორმებით სასწავლო პროგრამები მიაწოდოს. განათლების სამინისტროსთან ერთად მომზადებული პროექტი წარმოებაში დღეიდან ჩაეშვა. მეორე არხი, ვებ-პორტალი 1tv.ge, საქართველოს პირველი არხის იუთუბ და ფეისბუქ-გვერდები ის მედია-პლატფორმებია, რომლითაც სასწავლო პროგრამები მოსწავლეებისთვის ხელმისაწვდომი იქნება. პროექტში ჩართულები არიან მასწავლებლები, სასწავლო პროგრამებთან ერთად მომზადებულია საგნობრივი რეკომენდაციები და ინსტრუქციები. პირველი არხი გეგმავს, რომ მსოფლიოს ცნობილი ტელევიზიების და სტუდიების მიერ მომზადებული სასწავლო-დოკუმენტური ფილმებიც თარგმნოს და ახალი პროექტის ფარგლებში მოსწავლეებს აჩვენოს. ტელე-ონლაინ პროექტი კორონავირუსთან დაკავშირბეული მდგომარეობის დასრულების შემდეგაც გაგრძელდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.