ევროკავშირმა სომხეთისა და ბრიტანეთის კოვიდპასპორტები აღიარა

ევროკავშირმა სომხეთისა და დიდი ბრიტანეთის კოვიდპასპორტები აღიარა. ამის შესახებ ინფორმაცია ევროკომისიის ვებ გვერდზე ვრცელდება: „ევროკომისიამ მიიღო ორი გადაწყვეტილება, რომ სომხეთისა და დიდი ბრიტანეთის მიერ გაცემული კოვიდსერტიფიკატები ევროკავშირის ციფრულ კოვიდსერტიფიკატებთან გათანაბრდა. შედეგად, ეს ორი ქვეყანა შეუერთდება ევროკავშირის სისტემას და მათ მიერ გაცემული კოვიდსერტიფიკატები მიღებული იქნება ევროკავშირში იმავე წესით, როგორც ეს ევროკავშირის მიერ გაცემული სერტიფიკატის შემთხვევაში ხდება. ამავე დროს, ეს ორი ქვეყანა დათანხმდა, მიიღოს მგზავრები, რომლებსაც ევროკავშირის მიერ გაცემული კოვიდსერტიფიკატები ექნებათ“, – ნათქვამია განცხადებაში. ევროკომისიის გადაწყვეტილება ძალაში დღეიდან შევიდა. დღეის მდგომარეობით, ევროკავშირი სულ 45 ქვეყნის მიერ გაცემულ კოვიდსერტიფიკატებს აღიარებს. მათ შორის ჯერ არ არის საქართველო. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.