შეიქმნება თუ არა ე. წ. „ქოლცენტრების“ საქმეზე დროებითი საპარლამენტო საგამოძიებო კომისია

შეიქმნება თუ არა ე. წ. ქოლცენტრების საქმეზე დროებითი საპარლამენტო საგამოძიებო კომისია - საკითხი პოლიტიკურ წრეებში კიდევ ერთხელ მას შემდეგ გააქტიურდა, რაც გუშინ აღმაშენებლის 75 ნომერში სამართალდამცავებმა საგამოძიებო მოქმედებები ჩაატარეს და გამოითქვა ვარაუდი, რომ შენობის ერთ-ერთ ოფისში ე.წ. ქოლცენტრი ფუნქციონირებდა. თავად შენობის მფლობელი შპს-ების ერთ-ერთი მეწილე კი „სტრატეგია აღმაშენებლის“ ლიდერის, გიორგი ვაშაძის ძმა - დავით ვაშაძეა. გიორგი ვაშაძე მისი და მისი ოჯახის წევრების ე.წ. ქოლცენტრებთან რაიმე კონტაქტს კატეგორიულად უარყოფს და ფაქტს მის წინააღმდეგ დაწყებულ შავ პიარკამპანიას უწოდებს. ისე როგორც „სტრატეგია აღმაშენებელში“, ასევე სხვა ოპოზიციურ პოლიტიკურ პარტიებშიც ამბობენ, რომ მსგავსი ვითარების გათვალისწინებით, აუცილებელია პარლამენტში დროებითი საგამოძიებო კომისიის შექმნა, რათა გაირკვეს, რეალურად ვინ მფარველობს ან მფარველობდა ე.წ. ქოლცენტრებს. დროებით საგამოძიებო კომისიის შექმნას მხარს არ უჭერს მმართველი გუნდი. ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://www.facebook.com/1stchannel.1... გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.