ამერიკის დღეების დასკვნითი ღონისძიება

საქართველოს კულტურისა და ძეგლთა დაცვის მინისტრი მიხეილ გიორგაძე, საქართველოში ამერიკის კვირეულის შემაჯამებელ ღონისძიებას დაესწრო. ღონისძიებას ასევე დაესწრნენ თბილისის მერი დავით ნარმანია, საქართველოში ამერიკის შეერთებული შტატების ელჩი რიჩარდ ნორლანდი და აშშ-ში საქართველოს ელჩი არჩილ გეგეშიძე. რიყის პარკში მოწყობილ საგამოფენო სივრცეში საქართველოში მიმდინარე სამთავრობო თუ არასამთავრობო პროგრამების პრეზენტაცია მოეწყო. სტუმრებმა მიიღეს ინფორმაცია აშშ-ის გაცვლითი საგანმანათლებლო პროგრამების, საკონსულო და საიმიგრაციო მომსახურების, სხვადასხვა გრანტებისა და დახმარების პროგრამების შესახებ. ასევე, აშშ-ის საერთაშორისო განვითარების სააგენტოს მრავალმხრივი მუშაობისა და იმ პროექტების შესახებ, რომელთაც აშშ-ის მთავრობა საქართველოში ახორციელებს. http://www.culture.gov.ge/ http://www.facebook.com/culturegovge http://twitter.com/#!/CULTUREgovge    / culturegovge   http://www.flickr.com/photos/cultureg... http://www.myvideo.ge/?user_id=855045