საქართველოს ევროპული პერსპექტივის შესახებ - მაკა ბოჭორიშვილი/Maka Botchorishvili

28.09.2022 17:46

GeoParl_EU Integration

არხი

#euintegration #geoparliament #ევროპისკენ ცხადია ერთი რამ, რომ საქართველო არის ევროკავშირის გაფართოების პოლიტიკის ნაწილი უკრაინა, მოლდოვა და დასავლეთ ბალკანეთის ქვეყნებთან ერთად. ივნისის გადაწყვეტილება იყო ისტორიული გარდატეხა იმ თვალსაზრისით, რომ ასოცირების ქვეყნებისთვის გაიხსნა ევროპული პერსპექტივა. ჩვენთვის მნიშვნელოვანია, რომ მიუხედავად მცირედი განსხვავებებისა, საქართველოს ევროკავშირში გაწევრიანების პერსპექტივა, უკრაინასა და მოლდოვასთან ერთად, იგივე ეტაპზე განიხილება. სწორედ ამის დასტურია ურსულა ფონ დერ ლაიენის გზავნილი, სადაც მან ხაზგასმით აღნიშნა, რომ უკრაინა, მოლდოვა და საქართველო, დასავლეთ ბალკანეთის ქვეყნებთან ერთად, ევროპის განუყოფელი ნაწილი არიან. იმისთვის, რომ ქვეყანა მოემზადოს და თავსებადი გახდეს ევროკავშირის სივრცისთვის, პირველ რიგში ჩვენ გვჭირდება სტაბილურობა, უსაფრთხოება და ეკონომიკური განვითარება. ევროპარლამენტარების გზავნილია, რომ ყველა პოლიტიკური ჯგუფი ჩაერთოს 12 რეკომენდაციის შესასრულებლად პარლამენტში არსებული სამუშაო ჯგუფების ფარგლებში.

გაზიარება: