შეხვედრა დიპლომატებთან

„დადებითი მოლოდინია, რომ საქართველო მიიღებს კანდიდატის სტატუსს და წარმატებით გააგრძელებს ინტეგრაციის პროცესს ევროპაში.“- ამის შესახებ ეკონომიკის მინისტრმა აღმოსავლეთ პარტნიორობის საკითხებში ევროკავშირისა და ევროკავშირის წევრი ქვეყნების სპეციალურ წარმომადგენლებთან შეხვედრის დასრულების შემდეგ განაცხადა, რომელიც სამინისტროში გაიმართა. შეხვედრაზე, რომელსაც ევროკავშირის წევრი 19 ქვეყნის წარმომადგენელი ესწრებოდა, აღინიშნა იმ პროგრესის შესახებ, რომელიც საქართველოს გააჩნია ევროპული პერსპექტივის მოპოვების შემდეგაც. მინისტრის თქმით, საქართველომ 100-ზე მეტი მარეგულირებელი აქტი მიიღო ბოლო წლის განმავლობაში, რითაც ფაქტობრივად უპასუხა ევროკავშირის ყველა მოთხოვნას. მხარეებმა განიხილეს საქართველოს ეკონომიკაში მიმდინარე ტენდენციები, საუბარი შეეხო ასევე გამოწვევებს, რომლებიც რეგიონში არსებობს. ევროკავშირის წარმომადგენლებმა დადებითად შეაფასეს ის პროგრესი, რომელიც ქვეყანას ბოლო წლებში გააჩნია ეკონომიკური განვითარების კუთხით. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.