„ნამახვანჰესის“ პროექტის მოწინააღმდეგეების აქცია - მხარეთა პოზიციები

„ნამახვანჰესის“ გარშემო პროტესტმა დღეს დედაქალაქის ცენტრალური ნაწილი მოიცვა. იყო ჰესის მოწინააღმდეგეთა მსვლელობა, რამდენიმე მონაკვეთზე გარკვეული პერიოდით შეზღუდული იყო სატრანსპორტო მოძრაობაც. დამოუკიდებლობის დღის აღნიშვნამდე ორი დღით ადრე სხვადასხვა რეგიონიდან ჩამოსულ დემონსტრანტთა გზავნილია, რომ 26 მაისს თავისუფლების მოედანზე დაგეგმილ აღლუმზე მისვლის ნაცვლად მოქალაქეები მათ აქციას შეუერთდნენ. აშშ-ის და ევროკავშირის ელჩები ორივე მხარეს დიალოგისკენ მოუწოდებენ. საპროტესტო გამოსვლის პარალელურად დღეს რამდენჯერმე ახსენეს ევროკავშირის ენერგეტიკული გაერთიანების საბჭოც, რომელიც სადავო ჰესთან დაკავშირებულ პროცესში მედიატორის სტატუსით ერთვება. თუმცა, აქციის მონაწილეები მთავრობასთან მოლაპარაკების აზრს და რესურსს ვეღარ ხედავენ მას შემდეგ, რაც სოფელ ნამოხვანისკენ გადაადგილება შეიზღუდა და ჰესის სამშენებლო ადგილისკენ მიმავალ გზაზე რკინის კონსტრუქციები აღიმართა.   ეწვიეთ ჩვენს საიტს - https://1tv.ge/ მოიწონეთ ჩვენი გვერდი - https://bit.ly/2WZv1qY გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.