პრეზიდენტი ევროკავშირის ლიდერებთან შეხვედრებს გამართავს

საქართველოს პრეზიდენტი ბრუსელში გაემგზავრა, სადაც ევროკავშირის ლიდერებთან გამართავს შეხვედრებს. მიხეილ საააკაშვილის განცხადებით, ეს ვიზიტი ვილნიუსში დაგეგმილი "აღმოსავლეთ პარტნიორობის" მესამე სამიტის წინ, მნიშვნელოვანია და მისთვის ერთგვარ სიმბოლურ აქტს წარმოადგენს. გამგზავრების წინ ქვეყნის პირველმა პირმა კიდევ ერთხელ შეაფასა არჩევნების შედეგები. „მე მივემგზავრები ბრიუსელში, სადაც ვილნიუსის სამიტის წინ შევხდები ევროკავშირის ხელმძღვანელობას. ეს ჩემი საპრეზიდენტო ვადის დასამთავრებლად მიმაჩნია ბოლო და ძალიან მნიშვნელოვან სიმბოლურ აქტად. მინდა კიდევ ერთხელ ვთქვა ბოლო ორ არჩევნებთან დაკავშირებით. მტკივნეული იქნებოდა, ჩვენ არასწორი გზით წავსულიყავით და მაინც წაგვეგო არჩევნები, მაგრამ როდესაც აგებ არჩევნებს მას შემდეგ, რაც სწორი რაღაცები გააკეთეთ, მაინც არის დიდი კმაყოფილების გრძნობა. როდესაც არჩევნებს აგებ მას შემდეგ, რაც სწორი რაღაცეები აკეთე, არის შემდგომი გამარჯვებების საწინდარი. ამას ვეუბნები ყველას, ვინც შექმნილ სიტუაციაზე ნერვიულობს. არ გაიტეხოთ გული და არ ჩამოუშვათ ხელები, ყველაფერი იქნება ძალიან კარგად, ოღონდ საჭიროა ხელის განძრევა", - განაცხადა საქართველოს პრეზიდენტმა. Visit Website: http://president.gov.ge Visit Facebook: http://www.facebook.com/saakashvilimi... Visit Twitter: http://www.twitter.com/SaakashviliM ---------------------------------------------------------------------------------------- Visit Website: http://president.gov.ge Visit Facebook: http://www.facebook.com/saakashvilimi... Visit Twitter: http://www.twitter.com/SaakashviliM ----------------------------------------------------------------------------------------