თავისუფალი ეკონომიკური ზონების გავლენა საქართველოს ეკონომიკურ განვითარებაზე - ვეფხია გიორგაძე

#ვეფხია #გიორგაძე: პირადად მე, საქართველოსთვის თავისუფალი ინდუსტრიული ზონის განვითარებას მივესალმები. ჩვენთვის ეს ნამდვილად საჭიროა, რადგან ქვეყანას არ შეუძლია მთელი ქვეყნის მასშტაბით ინფრასტრუქტურის მოწყობა, გვყავს ნაკლებად კვალიფიციური მუშახელი და ა.შ. აქ პატარა ტერიტორიაზე აქვს იმის რესურსი, რომ მოაწყოს შესაბამისი პირობები და შემდეგ, როცა ქვეყანას ამის საშუალება ექნება, ანალოგიური შეღავათები ქვეყნის მთელ ტერიტორიაზე გავრცელდეს. - #ვეფხია #გიორგაძე: ჩვენნაირი განვითარებადი ქვეყნისთვის თიზ-ები არის კარგი საშუალება იმისა, რომ მოვიზიდოთ კაპიტალი, მოხდეს ნოუჰაუების შემოტანა და, რა თქმა უნდა, მისი გავრცელება მთელ ქვეყანაში. ასეთ ზონებს სჭირდება კვალიფიციური მუშახელი და ამაში დიდი წვლილი უნდა შეიტანოს თვითონ ქვეყანამ. ანუ მოზიდულ ყოველ 1 $-ზე თვითონ სახელმწიფომ 4$-იანი ინვესტიცია უნდა განახორციელოს. შესაბამისად, ეს გვაძლევს იმ რეგიონში დასაქმების ზრდას. ის საწარმოები, ის ფირმები, რომლებიც საქართველოს ტერიტორიაზე არიან და შეღავათებით ვერ სარგებლობენ, ასეთ თიზ-ებში იპოვიან შვებას. რას გვაძლევს საერთოდ თიზ-ი, ეს არის გადასახადის ლიბერალიზაცია და ეხება მოგების გადასახადს, დამატებითი ღირებულების გადასახადს, ქონების გადასახადს, იმპორტის გადასახადს და დივიდენდის გადასახადს. თიზ-ების არსებობას, რა თქმა უნდა, აქვს თავისი დადებითი და უარყოფითი მხარეები, მაგრამ საბოლოო ჯამში ვფიქრობ, რომ ეს წაადგება ქვეყანას. - #ვეფხია #გიორგაძე: მიმზიდველობა ნამდვილად არ აკლია ჩვენს თიზ-ებს, მაგრამ აქ არის რიგი ხარვეზებიც, უნდა ჩაიწეროს კანონში ვადების შესახებ, რომ ინვესტორმა თავი იგრძნოს სტაბილურად. რაც შეეხება გასაღების ბაზარს, ეს ბაზარი საქართველოს ბაზარი ვერასოდეს ვერ იქნება, მაგრამ აქ გათვლა არის პლატცდარმზე. - #ვეფხია #გიორგაძე: როგორც უკვე ვთქვით, ჯერჯერობით ვერ ამართლებს, იმის გამო, რომ სახელმწიფო შესაბამისად ხელს ვერ უწყობს ინფრასტრუქტურის და ა.შ. განვითარებას. ისიც, რომ ჩვენი იურისდიქცია ვერ ვრცელდება მთელ ტერიტორიაზე, იწვევს გარკვეულ პრობლემებს. ირანის მაგალითზე რომ ვიმსჯელოთ, მიუხედავად იმისა, რომ დასავლეთის მხრიდან სანქციები აქვს დაწესებული თავად ამერიკელები დებენ ინვესტიციებს, რადგან იქ აქვთ მოქნილი კანონმდებლობა, გაწერილია 20 წლიანი პერიოდი თიზების პირობებით სარგებლობის და ა.შ. ჩვენგან „სოსიეტე ჟენერალის" გასვლა არის ძალიან ცუდი, რადგან ის არის საერთაშორისო მოთამაშე და თავად დიდი ფულის მქონე ინვესტორები უყურებენ ამას. დღეს ეს ბანკი აღარ გვაქვს. მოკლედ, მთელი რიგი ხარვეზებია, რომლის აღმოფხვრის შემდეგ შესაძლებელია, თავისუფალმა ინდუსტრიულმა ზონებმა იმუშაოს, რა თქმა უნდა, პლაცდარმის თემაც წინ წამოსაწევია. პროფესიონალები ირაკლი მაკალათიასთან 19 10 2016